Gebakte Omelette Stapel

Donderdag, 03 Maart 2011

Description

Genoeg vir 4

Vir die Omelette:

8 eiers

½ koppie melk

1. Klits die eiers saam met die melk.
2. Verhit ‘n bietjie botter in ‘n pan, gooi ‘n bietjie van die eiermengsel by, net genoeg om die bodem van die pan te bedek.
3. Laat die omelette gaar word, keer uit die pan en herhaal totdat die mengsel op is.

Vir die Spinasie-Feta Vulsel:

200g spinasie blare

200g feta, gekrummel

1 knoffelhuisie, fyngekap

¼ koppie room

Swart peper en seesout na smaak

1. Gooi kookwater op die spinasie blare en laat dit verwelk. Dreineer die water af, druk die blare droog en kap dan in growwe stukke.
2. Verwerk die spinasie blare saam met die feta, room en knoffel. Geur na smaak.

Vir die Tamatiesous:

1x400g blikkie gekapte Italiaanse tamaties

1/3 koppie room

See sout en vars gemaalde swart peper

1. Laat die blikkie tamati prut oor ‘n matige hitte totdat die water verdamp het en die tamatie mengsel begin verdik.
2. Voeg nou die room by, geur na smaak en laat weer ‘n bietjie verdik.

Om bymekaar te sit:

Smeer elke omelette met ‘n bietjie van die spinasie mengsel, plaas dan ‘n volgende omelette bo-op. Plaas in ‘n gesmeerde oondbak. Herhaal die proses tot al die omelette opgebruik is, eindig op die boonste omelette met die tamatie sous.

Bak vir 20 minute by 180°C, sny dan in skywe en bedien met slaai en brood.

Ingredients

Category: 6 uur Tuis, half 7 eet