Meer oor Kanaal 7

Kanaal 7 is die privaat radiostasie van Medianetwerk vir Christus. Dis ‘n gemeenskapsradiostasie wat bestuur en bedryf word op Christen beginsels volgens die Bybel.  Ons streef daarna om ‘n hoë gehalte uitsending deur professionele goedingeligte en toegewyde omroepers aan te bied.

Medianetwerk vir Christus is insake die Maatskappyewet geregistreer as ‘n Artikel 21-maatskappy sonder winsbejag. Kanaal 7 was die eerste privaat radiostasie in Namibië en het op 6 Desember 32ste bestaansjaar.

Ons saai uit op 35 senders landswyd uit, bereik meer as 43 dorpe en gemeenskappe en saai in Afrikaans, Engels, Duits en Oshiwambo uit. Daagliks tussen 05:30 en 06:00 is daar ’n Duitse program en saans tussen 18:00 en 22:00 skakel ons oor na die Oshiwambo diens op die 104.5FM Windhoek sender, Walvisbaai, Lüderitz, Oshakati en Ondangwa na ’n spesiaal ingerigte ateljee.

Kanaal 7 se luisteraars is lojale luisteraars, nemend in ag dat senders deur die gemeenskappe self opgerig is. Die gemeenskap is verantwoordelik vir die insameling van die fondse wat die totale kapitale koste van ’n sender dek.

Ons is verantwoordelik vir die instandhouding en kragtoevoer na die sender. Luisteraars val hoofsaaklik in die LSM 6 tot 10 groep. (LSM Living Standards Measurement: LSM 1 baie laag -10 baie hoog). Musiek bestaan uit 50% Christelike (Gospel) en 50% sekulêre musiek.

 

Daar word ’n baie hoë premie geplaas op die korrektheid, akkuraatheid en betroubaarheid van nuus bulletins.  Internasionale instansies soos Reuters, Bulletin, Newskoop en Al Jazeera word gebruik as hoof bronne van inligting. Aanbiedings is so ver moontlik aktueel en relevant en moeite word gedoen om luisteraars se behoeftes te bepaal en aan te spreek.

 

Gemeenskapsprojekte dek ‘n groot deel van ons bediening en betrokkenheid by ons mense (of publiek) soos Loslitdag, Radiothon, Kusuitsendings en vele ander. Tiendes is al geskenk aan (die) Quinton Steel-Botes Fonds, Hope for Life, Crown Financial Ministries, Hope Village Trust en Shelter for Abused Women & their Children, om maar net ‘n paar te noem.

 

Kanaal 7 Medianetwerk vir Christus maak gebruik van 24/7 internet stroom en is beskikbaar via die Web, slim- en android-fone. Luisteraars word wêreldwyd daagliks met van nuusflitse, lewendige ateljeegesprekke tot in-diepte onderhoude bedien. Spesiale uitsendings word deur middel van die internet en sosiale media gerig.  Ons hou by ons onderneming om so ver moontlik die hele Namibië met die Kanaal 7 sein te bereik.

Ons is verantwoordelik vir die instandhouding en kragtoevoer na die sender. Luisteraars val hoofsaaklik in die LSM 6 tot 10 groep. (LSM Living Standards Measurement: LSM 1 baie laag -10 baie hoog). Musiek bestaan uit 50% Christelike (Gospel) en 50% sekulêre musiek.

 

Daar word ’n baie hoë premie geplaas op die korrektheid, akkuraatheid en betroubaarheid van nuus bulletins.  Internasionale instansies soos Reuters, Bulletin, Newskoop en Al Jazeera word gebruik as hoof bronne van inligting. Aanbiedings is so ver moontlik aktueel en relevant en moeite word gedoen om luisteraars se behoeftes te bepaal en aan te spreek.

 

Gemeenskapsprojekte dek ‘n groot deel van ons bediening en betrokkenheid by ons mense (of publiek) soos Loslitdag, Radiothon, Kusuitsendings en vele ander. Tiendes is al geskenk aan (die) Quinton Steel-Botes Fonds, Hope for Life, Crown Financial Ministries, Hope Village Trust en Shelter for Abused Women & their Children, om maar net ‘n paar te noem.

 

Kanaal 7 Medianetwerk vir Christus maak gebruik van 24/7 internet stroom en is beskikbaar via die Web, slim- en android-fone. Luisteraars word wêreldwyd daagliks met van nuusflitse, lewendige ateljeegesprekke tot in-diepte onderhoude bedien. Spesiale uitsendings word deur middel van die internet en sosiale media gerig.  Ons hou by ons onderneming om so ver moontlik die hele Namibië met die Kanaal 7 sein te bereik.

Ons Visie

Om siele vir Christus te wen
deur die moderne media.

Ons Missie

Kanaal 7 is ‘n betroubare, toonaangewende Christelike uitsaaidiens wat in die soeke na die Koninkryk van God die boodskap van hoop deur Jesus Christus uitdra na gelowiges en nie-gelowiges oral in die wêreld via interaktiewe media.

Ons Waardes

Jesus Christus is ons hoogste gesag – Nie beperk deur kerkgrense nie – Samehorige Span – Rentmeesterskap –  Toegewy – Uitnemend – Integriteit – Omgee

Geloofsverklaring

  1. Kanaal 7 onderskryf die volgende Geloofsverklaring en verbind hom onherroeplik tot die volgende ten opsigte van alle uitsendings:
  • Ons glo in die Heilige Drie-Eenheid: God die Vader, God die Seun en God die Heilige Gees.
  • Ons glo dat God, die Vader, die Skepper en Onderhouer van die heelal is.
  1. Visie en Doelwitte van Kanaal 7:
  • Om die boodskap van HOOP, gegrond in Jesus Christus, deur moderne media oor te dra.
  1. Sending van Kanaal 7:
  • Kanaal 7 is ’n betroubare, toonaangewende Christelike uitsendingsdiens wat, in hul strewe om God se Koninkryk te dien, die boodskap van Hoop deur Jesus Christus aan gelowiges en ongelowiges regoor die wêreld deur interaktiewe media uitsaai.

“Maar soek eers die koninkryk van God en sy geregtigheid, en al hierdie dinge sal vir julle bygevoeg word.” – Matteus 6:33

  • Jesus Christus is ons hoogste gesag;
  • Nie beperk deur kerkdenominasiegrense nie;
  • Samehangende span;
  • Verantwoordelike rentmeesterskap;
  • Toewyding;
  • Uitsonderlike werkstandaarde;
  • Integriteit;
  • Omgee.

Kanaal 7 Media Netwerk vir Christus, wat bestuur word volgens Christelike beginsels soos vervat in die Bybel, beskou sy rol binne die breër gemeenskap as (media) voorspraak wat die Woord van God en dit wat daarin geskryf staan, bevorder. Volgens ons geloofsbelydenis glo ons dat die Bybel die geïnspireerde Woord van God is, en daarom moet ons uitsendings getrou aan die Skrif wees.

 

Ons glo dat God die mens geskape het, en soos duidelik beklemtoon in Psalm 139:13: “U het my gevorm, my aanmekaar geweef in my moeder se skoot.” Kanaal 7 neem dus ’n pro-lewe standpunt in ten opsigte van die ongebore baba. Die Bybel is ons gids in Lukas 1:15b, waar ons leer van Johannes as ’n ongebore baba: “…en hy sal met die Heilige Gees vervul wees, selfs van die moederskoot af.”

 

Kanaal 7 kan dus nie die voorgestelde wysiging aan die Aborsiewet ondersteun nie, wat voorsiening maak vir aborsie op aanvraag onder enige omstandighede en in enige stadium van die swangerskap. Ander Skrifgedeeltes wat Kanaal 7 gebruik om sy standpunt te staaf, sluit in Jeremia 1:4-5: “Voordat Ek jou in die moederskoot gevorm het, het Ek jou geken; voordat jy gebore is, het Ek jou aan My gewy en jou as profeet vir die nasies aangestel.” en Jesaja 49:1: “Luister na My, eilande, en gee aandag, volke wat ver is! Die Here het My geroep uit die moederskoot, van My geboorte af het Hy My naam genoem.”

Kanaal 7 glo dat God die mens geskape het, MAN en VROU. Dit volgens Genesis 1:27-28: “En God het die mens geskape na sy beeld; na die beeld van God het Hy hom geskape; man en vrou het Hy hulle geskape. En God het hulle geseën, en God het aan hulle gesê: Wees vrugbaar en vermeerder en vul die aarde…”

Daar is egter druk in die samelewing om die gesin te herdefinieer, heel anders as hoe die Woord van God dit definieer. Hierdie druk strek verder tot die definisie van die huwelik, ’n instelling wat deur God bepaal is om die welsyn van kinders te beskerm.

Kanaal 7 glo in die beskrywing van die huwelik soos in die Woord van God in Genesis

2: “Toe sê die man: ‘Hierdie keer is dit een uit myself, een soos ek. Daarom sal sy ‘vrou’ genoem word; sy is uit die man geneem.’ Daarom sal ’n man sy vader en moeder verlaat en saam met sy vrou woon, en hulle sal een wees.”

Kanaal 7 gebruik dus sy rol as media-voorspraakstrategies om eendersdenkende gemeenskapsorganisasies te ondersteun en gesonde openbare beleid te bevorder, soos vervat in die Namibiese Grondwet.

Uitsaaibeleid

  1. Kanaal 7 bied aan leraars, ampsdraers en lidmate wat die Verklaring onderskryf, op uitnodiging die geleentheid om mee te werk aan die verkondiging van die Woord deur boodskappe, getuienisse, sang, musiek, ens.
  2. Kanaal 7 wil die Kerk van Jesus Christus tot diens wees en sal altyd probeer om mense hegter aan die Woord te bind en geestelike groei te stimuleer.
  3. Wanneer onderhoude met persone uit kerke gevoer word mag die geleentheid nie misbruik word vir reklame vir of teen ‘n kerk nie.
  4. In uitsendings moet nougeset op die volgende gelet word:
    • Dit moet binne die missie van Kanaal 7 val.
    • Stellings wat gegrond is op openbaringe, drome, verskynings, gesigte en visioene sal baie sensitief hanteer word.
    • Kontroversiële dogmatiese strydpunte moet vermy word.
    • Die waarheid van die Evangelie moet sonder skroom gebring word en dwalings wat die basiese waarhede aantas, moet weerlê word.
    • Woordverkondiging word gedoen slegs deur persone wat deur hulle eie kerke daartoe bevoeg erken word.
    • Proselietmakery vir enige kerk of aksie word nie toegelaat nie.
    • Uitlatings wat as rassisties geinterpreteer kan word, word nie uitgesaai nie.
    • Sake waaroor Christene met mekaar verskil, soos grimering, drankgebruik, duiweluitdrywing, karate, ens. moet baie sensitief hanteer
    • Persone en aksies wat as kontroversieel beleef kan word, mag slegs met die skriftelike toestemming van die dagbestuur vir uitsendings gebruik word.
    • Afbrekende kritiek op kerke, groepe en organisasies word nie toegelaat nie.
  5. Kanaal 7 behou hom die reg voor om alle programme wat uitgesaai word na goeddunke te keur en te redigeer volgens sy Beleid en Verklaring van Geloof.
  6. Elke aanbieder van Kanaal 7 en programdeelnemer moet die Verklaring van Geloof volkome onderskryf en hom/haar deegilk vergewis van die uitsaaibeleid.
  7. Die musiek wat gespeel word, moet aan die Verklaring van Geloof
    • Die inhoud moet Skriftuurlik wees.
    • Die woorde moet sover moontlik duidelik hoorbaar wees.
    • Kanaal 7 streef na die hoogste mate van professionaliteit ten opsigte van inhoud, aanbieding en tegniese afronding in uitsendings.
    • Indien daar enige twyfel oor ‘n uitsending, aanbieder of aanbieding bestaan, besluit die Dagbestuur van die Direksie finaal daaroor.
    • Kanaal 7 se uitsendings is beide geestelik en sekulêr omdat ons glo ons is nie van die wêreld nie, maar in die wêreld en dra so ons getuienis uit sonder om lewensvreemd te wees.
    • Kanaal 7 neem standpunt in van pro-lewe van ‘n ongebore baba. Kanaal 7 ondersteun nie die voorgestelde wysiging van die Wet op Aborsie nie, asook die aanvraag op aborsie in enige omstandighede of op enige stadium van die swangerskap nie. (sien Verklaring van Geloof vir meer besonderhede)
    • Kanaal 7 glo dat God die mens, MAN en VROU geskape het en glo in die beskrywing van die huwelik soos in die Woord van God in Genesis 2 dit uiteensit. (sien Verklaring van Geloof vir meer besonderhede

Uitsaaibeleid

  1. Kanaal 7 bied aan leraars, ampsdraers en lidmate wat die Verklaring onderskryf, op uitnodiging die geleentheid om mee te werk aan die verkondiging van die Woord deur boodskappe, getuienisse, sang, musiek, ens.
  2. Kanaal 7 wil die Kerk van Jesus Christus tot diens wees en sal altyd probeer om mense hegter aan die Woord te bind en geestelike groei te stimuleer.
  3. Wanneer onderhoude met persone uit kerke gevoer word mag die geleentheid nie misbruik word vir reklame vir of teen ‘n kerk nie.
  4. In uitsendings moet nougeset op die volgende gelet word:
    • Dit moet binne die missie van Kanaal 7 val.
    • Stellings wat gegrond is op openbaringe, drome, verskynings, gesigte en visioene sal baie sensitief hanteer word.
    • Kontroversiële dogmatiese strydpunte moet vermy word.
    • Die waarheid van die Evangelie moet sonder skroom gebring word en dwalings wat die basiese waarhede aantas, moet weerlê word.
    • Woordverkondiging word gedoen slegs deur persone wat deur hulle eie kerke daartoe bevoeg erken word.
    • Proselietmakery vir enige kerk of aksie word nie toegelaat nie.
    • Uitlatings wat as rassisties geinterpreteer kan word, word nie uitgesaai nie.
    • Sake waaroor Christene met mekaar verskil, soos grimering, drankgebruik, duiweluitdrywing, karate, ens. moet baie sensitief hanteer
    • Persone en aksies wat as kontroversieel beleef kan word, mag slegs met die skriftelike toestemming van die dagbestuur vir uitsendings gebruik word.
    • Afbrekende kritiek op kerke, groepe en organisasies word nie toegelaat nie.
  5. Kanaal 7 behou hom die reg voor om alle programme wat uitgesaai word na goeddunke te keur en te redigeer volgens sy Beleid en Verklaring van Geloof.
  6. Elke aanbieder van Kanaal 7 en programdeelnemer moet die Verklaring van Geloof volkome onderskryf en hom/haar deegilk vergewis van die uitsaaibeleid.
  7. Die musiek wat gespeel word, moet aan die Verklaring van Geloof
    • Die inhoud moet Skriftuurlik wees.
    • Die woorde moet sover moontlik duidelik hoorbaar wees.
    • Kanaal 7 streef na die hoogste mate van professionaliteit ten opsigte van inhoud, aanbieding en tegniese afronding in uitsendings.
    • Indien daar enige twyfel oor ‘n uitsending, aanbieder of aanbieding bestaan, besluit die Dagbestuur van die Direksie finaal daaroor.
    • Kanaal 7 se uitsendings is beide geestelik en sekulêr omdat ons glo ons is nie van die wêreld nie, maar in die wêreld en dra so ons getuienis uit sonder om lewensvreemd te wees.
    • Kanaal 7 neem standpunt in van pro-lewe van ‘n ongebore baba. Kanaal 7 ondersteun nie die voorgestelde wysiging van die Wet op Aborsie nie, asook die aanvraag op aborsie in enige omstandighede of op enige stadium van die swangerskap nie. (sien Verklaring van Geloof vir meer besonderhede)
    • Kanaal 7 glo dat God die mens, MAN en VROU geskape het en glo in die beskrywing van die huwelik soos in die Woord van God in Genesis 2 dit uiteensit. (sien Verklaring van Geloof vir meer besonderhede

Kanaal 7 Vrae en antwoorde

Kanaal 7 is die radiostasie van Media vir Christus. Die eerste uitsendings van Kanaal 7 het plaasgevind op 6 Desember 1993. Die stasie is gestig om inwoners van Namibië  met die Evangelie van Jesus te bereik in  aanvulling van die werk van Media vir Christus.

Media vir Christus is in 1982 gestig deur Neal van den Berg en Tokkie van Vuuren. Media vir Christus is n uitvloeisel van die werk wat gedoen is,  eers onder die naam van Trans Wêreld Radio en later TWR RSA. Toe Radiokansel in Suid Afrika gestig is, was die leiding van die Here om Media vir Christus te stig.

Die doel van MvC/Kanaal 7 is om die Evangelie van Jesus Christus deur die   moderne media te verkondig. Daar is ʼn duidelike behoefte aan ʼn media   organisasie wat vanuit ʼn Christen perspektief die hele behoefte van die  luisteraars kan aanspreek.

Kanaal 7 is en kan nooit die werk van die kerk doen nie en sien homself as ʼn hulpmiddel in die hand van die kerk.

In 2014 het die direksie besluit om die naam aan te pas by die moderne neiging en die feit dat Kanaal 7 meer as Radio is. Daarom het die organisasie se naam verander na Kanaal 7 Media Netwerk vir Christus.

In ʼn tyd waar die media oorheers word deur vals nuus, verdraaide beriggewing en ʼn doelbewuste afbreek van waardes, veral Bybelse beginsels en Christenskap raak die rol van Christen Media net soveel groter en groter en bly dit die enigste wyse waarop daar steeds hoop gebring word aan ʼn wêreld wat daagliks met negatiewe en afbrekende beriggewing gebombardeer word.

Christen Media, en die geval geval Kanaal 7,  moet gesien word as die hedendaagse sendelinge. Die radio is steeds die mees suksesvolle medium om die Evangelie van Jesus Christus uit te dra na plekke waar daar nie toegang is vir konvensionele sendelinge nie.

In Namibië is Radio steeds die mees toeganklike medium en word die bevolking steeds grotendeels deur radio bedien.

Dis belangrik om te verstaan dat die Kanaal 7 model in lyn is met die internasionale benadering binne Christen media. In sy boek, “Powerful Christian Radio” bevestig Josh Reid hierdie model ook in die Australiese konteks. Hy skryf; “ In sy kern is Christen Radio ʼn strategiese, kragtige en invloedryke bediening wat deur middel van verskeie media platforms met etlike duisende mense kommunikeer in plekke waar geen kerk ooit kan ryk nie. Die huidige Christen Radio saai ʼn mengsel van Christen en sekulêre musiek en inhoud uit wat beslis aantreklik is vir ʼn wyer gehoor met musiek en inhoud waarmee hulle steeds identifiseer terwyl die Evangeliese fokus nooit verloor word nie.”

  • Om deur kort getuienisse en gedagtes by luisteraars te laat en sodoende ʼn meer oop gedagte te skep vir die Evangelie van Jesus Christus.
  • Om musiek te speel wat mense bemoedig en geestelik te voed.
  • Gee blootstelling aan plaaslike leraars en Geestelike leiers en vestig ʼn band tussen nie kerklike luisteraars en die gemeente.
  • Saai persoonlike getuienisse uit waarmee luisteraars kan identifiseer en bemoedig word.
  • Wees ʼn opbouende betroubare en “skoon” alternatief tov ander stasies.
  • Speel aanvaarbare sekulêre musiek tussen Christen musiek en Christen praatjies om sodoende luisteraars te laat identifiseer met die bekende en uit nuuskierigheid te laat luister na die stasie.
  • Maak die radio deel van die sosiale media en integreer die verskillende media platforms.
  • Moedig mense aan om hulle plaaslike kerk by te woon.
  • Moedig mense aan tot gehoorsaamheid aan God.
  • Bied hoop aan luisteraars en bemoedig hulle tot ʼn positiewe lewe.
  • Die radio neem die Woord van God en die Evangelieboodskap na mense toe in ʼn tyd waar mense meer en meer onwillig is om kerk toe te gaan.
  • Ons MOET die media tot eer van God aanwend teenoor die Goddeloosheid wat in die sekulêre media bestaan.
  • Bemark die gemeente en gemeente-gebeure veel wyer as wat die gemeente dit alleen kan doen.

Kanaal 7 word binne Namibië op 35 FM senders gehoor.

Dit is volgens ons kennis die grootse infrastruktuur van enige privaat radiostasie in Afrika.

Kanaal 7 kan ook regdeur Suidelike Afrika op die DTSV klankplatvorm Kanaal 825 sowel as op GoTv Kanaal 303 gehoor word.

Kanaal 7 saai 4 verskillende kanale op die Internet uit nl;

Kanaal 7 Radio,

Kanaal 7 Oshiwambo Radio,

en twee voltydse Bybel voorlees kanale. (Een in Engels en een in Afrikaans)

Daar is ook ʼn YouTube Kanaal, K7 Clips, wat ʼn groot verskeidenheid Christen Boodskappe aanbied.

  • Loslitdag
  • Koningskos
  • Droogtehulp
  • Verskillende hulpbehoewende organisasie dmv 10des uit projekte.

Dit is belangrik om luisteraars voortdurend by die stasie ingeskakel te   hou. Navorsing het bewys dat luisteraars, ook Christen luisteraars, n  behoefte het aan die jongste nuus, sport gebeure, daaglikse aktualiteit  en ʼn verskeidenheid musiek anders as net Christelike musiek.
Dit  sou vir Kanaal 7 onaanvaarbaar wees om ʼn stasie daar te stel waarop   mense slegs inskakel wanneer hulle ʼn behoefte het aan ʼn Christelike boodskap of musiek.
Kanaal 7 glo dat die effektiwiteit groter is  indien daar ʼn professionele  radiostasie gevestig word vanwaar ʼn platvorm geskep word om die  Christen boodskap uit te dra. Kanaal 7  probeer nie om ʼn kerk of enige  iets anders te wees as slegs ʼn radiostasie nie. Kanaal 7 beskou homself as ʼn hulpmiddel wat beskikbaar is vir die kerk en deur die kerk gebruik behoort te word as ʼn gereedskapstuk in sy bediening.

MvC is geregistreer onder die Maatskappye Wet as ʼn  artikel 21 Maatskappy.  Met ander woorde ʼn Maatskappy sonder winsbejag. Die Maatskappy word   beheer deur ʼn Raad van  Direkteure wat deur bestaande Direkteure op  uitnodiging aansluit. Die dag tot dag sake word deur ʼn besturende direkteur en bestuur hanteer.

  • Hannes du Plessis (Boer Leonardville)
  • Daniel Grobbelaar (Entrepreneur Rundu)
  • Herman Schnitter (Sakeman. Eienaar Dolerite Brick and Sand Keetmanshoop)
  • Piet Gouws (Boer, Lodge Eienaar en Sakeman Outjo)
  • Andre Fourie ( Makelaar )
  • Pieter Myburgh (Sakeman Eienaar MGC Transport en Boer)
  • Neal van den Berg Stigter en Besturende Direkteur en Voorsitter Kanaal 7 Media Netwerk vir Christus

Die Maatskappye Wet bepaal dat daar behoorlike finansiële bestuur sal   plaasvind en dat alle finansiële dokumentasie en transaksies jaarliks geouditeer word. Die huidige Ouditeure is PKF-FCS

Die Maatskappy Sekretarisse is PWC en hulle dien ook in ʼn raadgewende hoedanigheid.

Bankrekeninge word gehou by FNB en Bank Windhoek.

Die direksie van Kanaal 7 dra die verantwoordelikheid vir die interne finansiële kontroles en verantwoordelikhede word by wyse van vooraf goedgekeurde prosedures aan bestuur oorgedra.

Finansiële verslae word op kwartaallikse formele finansiële komitee vergaderings hanteer en aanbevelings word na die vol direksie verwys vir goedkeuring.

Daar is 2 hoofbronne van inkomste naamlik donasies en advertensies.  Donasies kan opgedeel word in 2 afdelings naamlik maandelikse debietorders of ligdraers en advertensies wat opgedeel word in advertensieflitse en borgskappe.

  • Kanaal 7 het verskillende betaalwyses beskikbaar waardeur mense makliker bydraes kan maak.
  • Gewone EFT Betalings
  • Krediet en Debietkaarte
  • Internet Platform “Pay Today”

Kanaal 7 het ʼn voltydse Internet Veilings platform ontwikkel wat regdeur die jaar sowel as tydens die Radiothon gebruik word onder die naam SobySo.com.na

Hierdie is ʼn gebruikersvriendelike veilingsblad wat regdeur die jaar ook gebruik word om skenkings op te veil.

Hoewel daar in die verlede organisasies was wat bydraes gemaak het tot die instandhouding van die organisasie, het MvC/Kanaal 7 geen verbintenis met enige buitelandse organisasie of kerk nie.

12 Miljoen Namibiese Dollar per jaar.

Kanaal 7 het in die huidige finansiële posisie beland grotendeels agv ʼn agterstand wat reg van die begin bestaan het en deur die jare gewissel het. Daar was nooit enige aanvangskapitaal beskikbaar nie en die groei het nie tred gehou met inkomste nie. Kanaal 7 was nog nooit beskou as ʼn winsgewende besigheid nie en dit was ook nooit die doel nie.

Die direksie en bestuur besef egter dat dit nie tot God se eer is om in skuld te leef nie.

Soortgelyke organisasies, uitsaaistasies, in Suid Afrika en selfs oorsee se inkomste word opgemaak deur 70% donasies en 30% uit besigheid inkomste.

Kanaal 7 se inkomste is presies omgedraai.

Foute wat gemaak is was onder andere om nie genoeg aandag te gee aan ons donateurs basis nie maar eerder aan besigheid inkomste. Indien meer moeite gedoen was met die verbreding van die donasie basis sou meer ondersteuners en luisteraars minder hoef by te dra om dieselfde resultate te bereik.

Die besigheid inkomste moes steeds net ʼn ondersteuning wees soos by alle ander Christen en gemeenskap stasies.

Kanaal 7 kan nie op dieselfde vlak as kommersiële stasies funksioneer nie omdat daar seker beginselbesluite sedert stigting geneem is en ten spyte van uiters moeilike omstandighede daar steeds by gestaan word.

Byvoorbeeld die feit dat geen kommersiële advertensies op Sondae uitgesaai word nie neem twee volle maande van advertensie inkomste weg.

Die feit dat Alkohol, tabak en dobbelary advertensies en borgskappe nie aanvaar word nie beperk ook potensiële inkomste aangesien die genoemde sektore oral van die grootste borge is.

Dieselfde geld ook wat seker aanbiedinge en geleenthede is wat nie vanpas is vir Kanaal 7 om by betrokke te raak nie beperk die stasie se inkomste aansienlik

  • Grootste deel van personeel is verskuif na termyn, uurliks, of prestasie kontrakte.
  • Personeel wat bedank se poste is nie gevul nie
  • Meer as 50% van kantoor spasie word verhuur en personeel moet kantore deel.
  • Personeelfunksies en opleiding is ingeperk
  • Reiskoste is drasties verminder.
  • Afgelope 4 jaar is daar slegs 2 keer ʼn verhoging goedgekeur van 3.5%

Die gemeenskap van ʼn sekere dorp besluit of daar ʼn behoefte is aan ʼn Kanaal 7 sender, dan word daar ‘n  komitee saamgestel wat die  organisasie  doen en fondse insamel. Na ʼn tegniese inspeksie en  beplanning word die  plek bepaal. Sodra die nodige fondse en wetlike  aspekte afgehandel is,  kan n sender opgerig word.

Die Ovambo bevolking maak bykans 50% van die Namibiese bevolking uit. Daar  word bykans geen Evangelie aan hulle uitgesaai nie. Indien daar in gedagte gehou wat die invloed van hierdie een bevolkingsgroep in Namibië is en ons is ernstig met die verkondiging van die Evangelie, is daar  geen ander alternatief as om dringend hierdie behoefte aan te spreek in  opdrag van die Woord van God nie.

  • 6 Voltydse Omroepers wat skofte tussen 4 ure en 1 uur uitsaai.
  • Behalwe vir 1 omroeper is alle omroepers op kontrakte aangestel wat bepaal dat hulle per uur betaal word.
  • Dit sluit in verskeie aanbieders/ omroepers wat vrywillig werk
  • Daar word gemiddeld 450 ure per maand deur omroepers uitgesaai.
  • 270 Ure word deur die rekenaar uitgesaai.
  • Dit bring mee dat die aantal omroepers nie noodwendig die koste bepaal nie maar wel die ure wat uitgesaai word.
  • 2 Nuus personeel. Een voltyds en een deeltyds.
  • 5 Bemarkers Verkoopspersoneel. Almal op ʼn klein vergoeding plus kommissie
  • 2 Finansies. Alle finansiële aspekte
  • 1 Advertensie Administrasie, skedules en plasings van advertensies en promosies.
  • 2 Projekte. Alle projekte, Gholf dae Radiothon, Loslitdag, Ontbyte, Kus uitsendings ens.
  • 2 Tegnies. Opnames, Redigering, Rekenaars, Ateljees, Netwerk, Instandhouding Gebou en voertuie
  • 4 Bestuur
  • 1 Ontvangs, Telefoon, laai en kontrolering en voorbereiding van alle musiek op rekenaar.
  • Sekretaresse is verantwoordelik vir kantooradministrasie, dag tot dag kantoor bestuur, sosiale media, webblad, ontwerp van advertensies, nuusbrief en die organisasie van toere.
  • 11 Personeel is vas aangestelde personeel
  • 21 Personeel is op termyn, uurliks of prestasie kontrakte aangestel.
  • Besparings sal voortgaan
  • Geen projekte sal aangepak word wat nie winsgewend is nie
  • Nadat die oortrokke bankfasiliteite afgelos is sal daar nie voorsiening gemaak word vir verdere oortrokke fasiliteite nie
  • Spesiale aandag word reeds gegee aan verbeterde verkope van advertensietyd op radio.
  • ‘n Persoon is reeds besig om voltyds deur die land te beweeg om meer kontak met ondersteuners en luisteraars te maak en sodoende verhoudings te bou ten opsigte van advertensies en vrywillige finansiële betrokkenheid
  • Die Oshiwambo uitsendings uit te brei om sodoende groter inkomste te verdien
  • Om projekte te loods om ook fondse uit die buiteland te werf
  • Om luisteraars op die internet en DSTV platform te betrek om finansieel betrokke te raak.
  • Om op die sosiale media en internet platvorm nuwe produkte te ontwikkel waardeur ʼn nuwe inkomste stroom ontwikkel word.

Personeel Totaal:                  64%

Herstel en Onderhoud:          7%

Telekommunikasie                5%   

R&V                                        1%

Uitsaai Kostes                        7%

Huur van Senderpersele       8%

Rente en Bankfooie               7%

Oudit en Proff Fooie              1%

Bestuur Span

Neal van den Berg

Besturende Direkteur

Tersia Bindeman

Bestuurder, Verkope,

Bemarking & Projekte

Marianne Tise

Bestuurder Finansies, 
Bestuurder Administrasie & Menslike Hulpbronne

Tara

Omroeper & Program Bestuurder