Kanaal 7 Nuus New Era besturende redakteur terug in tuig

New Era besturende redakteur terug in tuig

New Era besturende redakteur terug in tuig post thumbnail image

01 Feb. 2024

Die New Era Publication Corporation het die heraanstelling van sy besturende redakteur, Johnathan Beukes, aangekondig. Beukes was vir byna vier maande geskors, nadat ‘n redaksionele mening wat die onafhanklikheid van die Regbank bevraagteken, in die dagblad gepubliseer is. Die skorsing van Beukes het internasionale reaksie van verskeie media-voorspraakgroepe ontlok, insluitend die Internasionale Federasie van Joernaliste, wat by sy filiaal, die Namibië Media Professionele Unie, aangesluit het om ‘Beukes’ se verwydering uit sy pos te veroordeel. Die twee liggame het destyds gesê hulle beskou Beukes se skorsing as ‘n doelbewuste aanval op mediavryheid en het ‘n beroep op owerhede gedoen om die Besturende Redakteur sonder enige versuim weer aan te stel. Aanklagte teen Beukes is nie bekend gemaak nie, en topbestuur by die publikasies het volgehou dat besonderhede oor die skorsing ‘n interne aangeleentheid bly. (New Era)